Teatrín de sofá nel Día les Lletres Asturianes

Si nun fuera pol confinamientu, estos díes taríemos cellebrando la "41 Edición de la Selmana de les Lletres Asturianes" qu'esti añu ta dedicada a la escritora de Villaviciosa Mª Teresa Villaverde "Tuxa". Pero esto sedrá pa la seronda...y como va de muyeres, dende equí vamos recomendavos un cuentiquín mui prestosu: Celesta caza cuélebres, escritu ya illustráu por Enrique Carballeira y espublizáu por Ámbitu.
Esti cuentu da-y una vuelta a les hestories de princeses, príncipes y dellos personaxes mitolóxicos. Tien como protagonista a Celesta, una moza perllista y mui echada p'alantre y con ganes de munches, munches aventures.
Pa que sepas de Celesta y de cuélebres, y amás pases un ratín mui divertíu, equí te dexamos un videu fechu por Nuria, la nuesa compi de la escuelina El Rubín que xunto a la so familia de titiriteros afayadizos, trai a escena "de sofá  y carromatu", un teatru de guiñol que de xuru ¡va prestavos pola vida!.

  Aprovechái qu'esta ye la estrena mundial de la xira. 

¡FELIZ DÍA DE LES LLETRES ASTURIANES!

#LLEERPRESTAASGAYA